Kaspııde qyrylǵan ıtbalyqtardyń óliminiń sebebi nede

AQTAÝ. KAZINFORM — Sáýir aıynyń basynda Kaspıı teńizinde qyrylǵan ıtbalyqtardy zertteý boıynsha jaýapty tarap málimet taratty.

Mańǵystaý oblystyq ekologııa departamenti 29 naýryz ben 8 sáýir aralyǵynda júzden astam teńiz janýary belgisiz jaǵdaıda qyrylǵan soń tıisti synamalardyń zerthanaǵa jiberilgenin atady. Alaıda ıtbalyqtardyń ólimine naqty qandaı jaǵdaıdyń sebep bolǵany ázirge anyqtaı otyr.

«Naýryz aıynyń sońy men sáýir aıynyń basynda Túpqaraǵan aýdany aýmaǵyndaǵy Kaspıı teńiziniń jaǵalaýynan 78 óli ıtbalyq ushasy tabyldy. Osyǵan qatysty Mańǵystaý oblysynyń ekologııa departamenti sý synamalaryn alyp, veterınarııalyq stantsııa men gıdrobıologııa jáne ekologııa ınstıtýtynyń qyzmetkerleri ishki aǵzalardyń tinderin (baýyr, ókpe) ishinara iriktedi. Al Kaspıı ıtbalyǵyn zertteý jáne ońaltý ortalyǵy tıisti zerthanalyq zertteýler júrgizý úshin azý, tyrnaq jáne jún synamalaryn aldy. Búgingi kúni zerthanalyq zertteýler áli jalǵasyp jatyr», — dedi ekologııa departamentiniń mamandary.

Sonymen qatar, sáýir aıynyń 8 kúni atalǵan aýmaqtan taǵy 25 ıtbalyqtyń óleksesi tabylǵan bolatyn.

«Qoldanystaǵy ózara is-qımyl shemasyna sáıkes jumys tobynyń barlyq múshelerine jedel túrde habarlanyp otyr. Búgingi tańda tabylǵan qyrylǵan ıtbalyqtardyń jalpy sany 103 basty qurady. Kaspıı teńiziniń jaǵalaý aımaǵyna monıtorıng júrgizý jumystary turaqty jalǵasýda», — dedi departament ókilderi.

Ótkende aıdyń sońynda Mańǵystaýda teńiz jaǵasynan qyryqtan atsam ıtbalyqtyń óleksesi tabyldy. 

Keıin olardyń sany kóbeıip, tıisti oryndar 80-ge jýyqtaǵanyn atady. Sońǵy ret departament mamandary teńiz jaǵalaýyna shyǵyp qalǵan júzden astam teńiz janýary tirkelgeni habarlady. 

Osydan keıin jergilikti ákimdik ıtbalyq ushalaryn jınap, joıý jumystaryn júrgizgen.