Kaspııde Qazaqstannyń tórt kemesi áskerı daǵdydan ótti

AQTAÝ. QazAqparat - QR Ásker-teńiz kúshteri kemeleriniń jasaǵy: «Oral» men «Saryarqa» zymyran-artıllerııalyq kemeleri, «Alataý» mınalyq-tartqysh kemesi, «Jaıyq» gıdrografııalyq kemesi teńizge shyǵyp, keme ekıpajdary áskerı daǵdydan ótti, dep habarlaıdy «QazAqparat» HAA tilshisi.

Kemeler eki kún boıy № 244 aýdanynda (teńiz polıgony) daǵdydan ótti.
 

«Ekıpajdardyń jumystary: korablderdiń jalpy manevr jasaýy, ÝTES jáne AK - 306 pýlemetterinen júzip bara jatqan nysanaǵa oq atý tekserildi. Jaqynda qoldanysqa berilgen «Alataý» mınalyq-tartqysh kemesi arnaıy tapsyrmany oryndady: shartty mınalanǵan sektordaǵy joldy tazartyp, teńizde mına tartty. Onyń kılvaterimen «Oral» men «Saryarqa» zymyran-artıllerııalyq kemeleri manevr jasap jáne qozǵala otyryp nysanaǵa dál tıgizý arqyly júrip ótti. Olarmen qatarlasyp «Jaıyq» gıdrografııalyq kemesi óziniń áskerı tapsyrmasyn oryndady», - dep atap ótti QR QM «Batys» óńirlik qolbasshylyǵy baspasóz qyzmetiniń qyzmetkeri, aǵa leıtenant Rýstem Igisinov.
 

«Teńizde ótken áskerı daıyndyq kezinde Áskerı-teńiz kúshteri kemeler ekıpajy teńizde jeke dara jáne toppen jaqsy tájirıbe kórsetti», - dedi «Jaıyq» gıdrografııalyq kemesi komandıriniń kómekshisi leıtenant Valerıı Kochýrov.