Kaspııde Qazaqstan, Ózbekstan jáne Reseı elderiniń 16 azamaty ustaldy
ASTANA. QazAqparat - Kaspıı teńizi aıdynyndaǵy brakonerlik qyzmettiń jolyn kesý men resýrstardy qorǵaý boıynsha birlesken jedel-aldyn alý sharasynyń II kezeńi aıasynda «Batys» óńirlik basqarmasynyń áskerıleri men teńiz shekarashylary quqyqbuzýshylyqtyń birneshe oqıǵasyn tirkedi.
Eldiń teńiz shekarashylary brakonerlik qyzmetpen aınalysqan 16 adamdy ustady. Sonyń ishinde 9 qazaqstandyq, 5 Ózbekstan azamaty men 2 Reseı azamaty bar, dep habarlady QR UQK ShQ baspasóz qyzmetinen.
3 shaǵyn júzý quraly men 1 qaıyq, 185 usaq balyq jáne 14 keli ózen shaıany, 6 000 metrden astam torly aý, 150 metr jabdyq, 210 dana qarmaq, 300 metrlik sý túbiniń aýy jáne 4 qaıyq qozǵaltqyshy tárkilendi.
Qazir birlesken jedel-aldyn alý sharasy jalǵasyp jatyr.
