Kaspııde qamys órtendi
«Aýmaqty 5 qazanda ushyp baıqaý kezinde «Lenkosa», «Nıva» jáne «Barsýchı» ýchaskelerinde qamys órtenip jatqany anyqtaldy. Kaspıı mańy jaǵalaýyndaǵy soltústik bóliginde órtti avıatsııa kómegimen aýyzdyqtaý jalǵasyp jatyr», - delingen QR ІІM TJK órt sóndirý qyzmetin uıymdastyrý basqarmasynyń habarlamasynda.
Eske sala keteıik, 25 qyrkúıekte ǵarysh monıtorınginiń arqasynda Atyraý oblysynda Qurmanǵazy aýdanyndaǵy «Maltsev», «Sýhoı» jáne «Qyz ólgen» ýchaskelerinde qamysty ot shalǵany anyqtaldy. Sol kúni jalpy aýmaǵy 4 ga jerde órt sóndirildi. Qalǵan bóliktegi tilsiz jaýdy toqtatý múmkin bolmady. Osyǵan baılanysty, bul jumystarǵa «Qazavıaqutqarý» AQ MI-8 tikushaǵy tartyldy. Otty sóndirýge jalpy kólemi 357 tonna sý tógildi. Bul Qıǵash jáne Sharon ózenderi saǵasyndaǵy otty aýyzdyqtaýǵa sep boldy.