Kaspııde «Eýrazııa» jobasy boıynsha xalyqaralyq konsortsıým quryldy

ASTANA. QazAqparat - QR Premer-Mınıstri Baqytjan Saǵyntaev QR Energetıka mınıstrligi jáne QR Investıtsııalar jáne damý mınıstrliginiń Geologııa jáne jer qoınaýy komıtetiniń «Eýrazııa» jobasynyń áleýetti qatysýshylarymen ózara túsinistik týraly memorandýmǵa qol qoıý rásimine qatysty, dep xabarlaıdy QazAqparat.

Atap aıtqanda, mınıstrlikpen birge: «QMG Eýrazııa», Agir Sasriap Sea V.V., «RN-Eksploreıshn», SNPC international, SOKAR,  NEOS Geosolutions syndy kompanııalar kelisimge qol qoıdy.

«Búgin tarıxı qujatqa qol qoıylly. Sońńy 4-5 jyl boıy Qazaqstan qolǵa alyp kelgen «Eýrazııa» jobasy bastaldy. Geofızıkalyq zertteýler boıynsha jańa jasaqtamalarǵa ıe álemdik kompanııalar konsortsıýmǵa birigip, Qazmunaıgazben birge Kaspıı mańy oıpatynyń jer qoınaýyn zertteıtin bolady. Oıpat aýmaǵy Qarashyǵanaqtan bastalyp, Teńiz arqyly Qyzylordaǵa deıin jaıylǵan. Árisi Reseıge deıin ketken. Reseı Federatsııasynyń tıisti memlekettik organdarymen kelisim bar, barlaý jumystaryn júrgizetin bolamyz», - dedi QR Energetıka mınıstri Qanat Bozymbaev tilshilerge bergen suxbatynda.

Mınıstrdiń sózinshe, ondaǵy jumys úsh kezeńge bólingen: barlaýdan bastap, asa tereń uńǵymalardy burǵylaýǵa deıin jumystar atqarylmaq.

«Bul - bazalyq qujat. Onda konsortsıýmdy qurýdyń negizgi prıntsıpteri aıqyndalǵan jáne kompanııalar osy kelisim aıasynda kompanııalar atalmysh konsortsıýmdy qurýǵa nıetti ekendikterin bekitedi», - dedi Q. Bozymbaev.