Kaspııde brakonerlerdiń uıymdasqan qylmystyq toby ustaldy
ATYRAÝ. QazAqparat - Atyraý oblystyq ІІD uıymdasqan qylmysqa qarsy basqarmasynyń qyzmetkerleri biraz ýaqyttan beri Kaspıı teńizinde bekire balyǵyn zańsyz aýlaýmen aınalysyp kelgen uıymdasqan qylmystyq topty qolǵa túsirdi, dep habarlaıdy «QazAqparat» HAA tilshisi.
«Atyraý oblysynyń 1981,1983,1985 jáne 1987 jyly týǵan tórt turǵyny ustaldy. Isataı aýdanynyń Janbaı aýylynda jáne Atyraý qalasynda júrgizilgen tintý kezinde kúdiktilerden satýǵa daıyndalǵan ónim - bekire balyqtary men ýyldyryǵy tabyldy. Qaıyq, aspaly motorlar, zańsyz balyq aýlaýǵa arnalǵan quraldar tárkilendi», - deıdi Atyraý oblystyq ІІD baspasóz qyzmetindegiler.
