Kaspııde áskerı-teńiz kúshteri kýrstyq tapsyrmany pysyqtady

AQTAÝ.QazAqparat - Qazaqstan Áskerı-teńiz kúshteriniń ártekti kemeler dıvızıonynyń ekıpajdary Kaspıı teńiziniń qazaqstandyq sektorynda «K-2» kýrstyq tapsyrmalardy pysyqtaýdy aıaqtady, dep habarlaıdy QazAqparat tilshisi.

Eki apta boıy zymyrandy-artıllerııalyq korablder urysqa kemelerdi jáne onyń qarý-jaraǵyn qoldanýdy, bir korabldiń jaýyngerlik is-qımyl taktıkasyn uıymdastyrý boıynsha is-sharalar keshenin oryndady.

«Áskerı-teńiz kúshterinde kýrstyq tapsyrmany pysyqtaý – korablderdi daıarlaý baǵdarlamasynyń mańyzdy kezeńi. Ekıpajdarmen sabaqtar udaıy ótkizilip turady. Sonymen qatar árbir áskerı kemeniń joryqqa daıyndalýdyń ózindik erekshelikteri bar», – dedi «Qazaqstan» zymyrandy-artıllerııalyq korabliniń komandıri, 3-dárejeli kapıtan Rýslan ıAhıarov.

Oqý-jaýyngerlik is-qımyldar teńiz urysynyń elementterin, onyń ishinde jaý kúshteri men quraldaryna belsendi radıoelektrondyq qarsy is-qımyl jaǵdaıyn oryndaýy da qamtyldy. Áskerı teńizshiler sondaı-aq, qutqarý qurylǵylary men quraldaryn qoldana otyryp, bir korabldi qutqarý jattyǵýyn ótkizdi.