Kaspııde 88 shaqyrym brakonerlik aý men 11,5 keli esirtki tárkilendi
ASTANA. KAZINFORM – Kaspıı teńizinde júrgizilgen arnaıy jedel-profılaktıkalyq is-sharalar barysynda 126 quqyq buzýshy men 44 shaǵyn kólemdi keme ustaldy, dep habarlaıdy Ulttyq qaýipsizdik komıtetiniń baspasóz qyzmeti.
UQK Shekara qyzmeti qazan aıynda memlekettik organdarmen birlesip, Kaspıı teńizi akvatorııasyndaǵy zańsyz áreketterdiń jolyn kesýge baǵyttalǵan is-sharalar ótkizgen.
Nátıjesinde 11,5 keli esirtki zaty men brakonerlik balyq aýlaýǵa arnalǵan jalpy uzyndyǵy 88 shaqyrym qural-saıman tárkilendi.
– Torlardan tabylǵan 2337 bekire jáne basqa da balyq túrleri tabıǵı mekendeý ortasyna jiberildi, – dep habarlady UQK.
Quqyq buzýshylarǵa jalpy somasy 4,5 mln teńgeden astam ákimshilik aıyppul salyndy.
Shekara qyzmetiniń málimetinshe, qabyldanǵan sharalar nátıjesinde memleketke keltirilýi múmkin 840 mln teńgeden astam zalaldyń aldyn alýǵa múmkindik týdy.
UQK Shekara qyzmeti azamattarǵa Kaspıı teńizinde belgilengen tártip pen talaptardy saqtaý qajettigin eskertti.
Aıta keteıik, buǵan deıin qyrkúıek aıynda Kaspıı teńizinde brakonerlikpen aınalysýdyń 48 dereginiń joly kesilgen edi. Shekarashylar 41,7 shaqyrym zańsyz aýlaý quraldaryn jáne 840 keli bekire tuqymdas balyqty tárkilegen. Aldyn alynǵan zalal 350 mln teńgeden asqan.
