Kaspııdi tereńdetý jumysy kelesi jyly bastalatyn boldy
AQTAÝ. KAZINFORM — Kaspıı teńizinde sý deńgeıiniń jyldan-jylǵa tómendep jatqany belgili. Bul Mańǵystaý atom energetıkalyq kombınatynyń kanaly arqyly jetkiziletin sý mólsheriniń azaıýyna ákelip otyr.
Óńirdegi óndiris aımaqtary men turǵyndardy elektr energııasymen, jylýmen jáne sýmen qamtamasyz etetin kombınat qyzmeti shektelip, Aqtaýdaǵy turǵyn úılerdi aýyz sýmen jáne elektr qýatymen úzdiksiz qamtamasyz ete almaý qaýpi týyndady. Osyǵan baılanysty, qala ákimdigi 2023 jyly jergilikti aýqymda tabıǵı sıpattaǵy tótenshe jaǵdaı jarııalaǵan edi. Keler jyly Kaspıı teńizin tereńdetý jumystary bastalmaq.
— Atalǵan másele boıynsha Aqtaý qalasynyń ákimdigi kanaldy tereńdetý jumystaryn júrgizý úshin joba jasaqtaýshy mekemeni anyqtap, memlekettik saraptamanyń oń qorytyndysyn aldy. Bul jumystar 2026 jyly bastalyp, 2 kezeńde júzege aspaq, — dedi Aqtaý qalasynyń ákimi Ábilqaıyr Baıpaqov búgin ótken turǵyndarmen kezdesinýde.
Budan buryn Mańǵystaýda Kaspııdiń taıyzdanýyna baılanysty sý alý arnasy tereńdetiletinin jazǵanbyz.