Kaspıı jaǵasynda elektrondy qyzmetter túsindirildi
Shara barysynda azamattarǵa ETsQ-ny qalaı rásimdeýge bolatyny, mobıldik úkimette tirkelý, sondaı-aq aıyppul men salyqtardy onlaın túrde qalaı tóleý kerektigi týraly aqparattar berildi.
«Búgingi tańda elektrondy úkimet portaly arqyly kez kelgen memlekettik qyzmetke onlaın qol jetkizý múmkindigi týdy. Memlekettik qyzmetter reestrindegi 742 qyzmettiń 635-i memlekettik korporatsııa arqyly, al 532-i elektrondy túrde qoljetimdi. 2018 jyldan bastap Smartfondaǵy telegram qosymshasy arqyly @egovkzbot qyzmetine júginý múmkindigi týdy. Halyq arasynda tanymal telegrambot 25 túrli memlekettik qyzmet kórsetedi. Munyń bári azamattardyń yńǵaılyǵy úshin jasalyp jatqan jumystar, tipti óz ýaqytyńyzdy únemdeı alasyz, tek qana tsıfrly júıeniń múmkindikterin paıdalana bilseńiz boldy. Al bizder óz tarapymyzdan halyqtyń tsıfrlyq saýat ashý jumystaryn úzdiksiz júrgizýdemiz» - dedi «Azamattarǵa arnalǵan úkimet» memlekettik korporatsııasynyń MOF baspasóz hatshysy Baǵıla Jarlanova.
Aıta keteıik, HQO qyzmetkerleri atalǵan shara boıynsha Mańǵystaý-Bolashaq baǵytyndaǵy poıyz jolaýshylaryna tsıfrlyq saýat ashý túsindirme jumystaryn júrgizgen bolatyn.