Kaspıı jaǵalaýynyń keı jerlerinde rejımdik shekteýler alyndy

AQTAÝ. QazAqparat - Ulttyq qaýipsizdik komıtetiniń Mańǵystaý oblystyq departamenti Kaspıı jaǵalaýynyń keı jerlerinde rejımdik shekteýler alynyp tastalǵanyn málim etti, dep habarlaıdy QazAqparat.

- 2022 jyldyń 31 jeltoqsanyna deıin Kaspıı teńiziniń qazaqstandyq sektoryndaǵy Burynshy múıisinen Súıe múıisine deıin (teńiz porttary, sý tartý arnalary, gaz termınaldary, teńiz dálizderi men farvaterlerdi qospaǵanda) rejımdik shekteýler alynyp tastaldy. Kórsetilgen ýaqyt aralyǵynda jeke jáne zańdy tulǵalar demalý, týrızm jáne sportpen aınalysý maqsatynda qaıyq pen kemeniń kez kelgen túrimen 2 mılge deıingi qashyqtyqta teńizge erkin shyǵa alady, - dedi UQK Mańǵystaý oblysy boıynsha shekara qyzmeti departamentiniń bastyǵy Danııar Malchýbaev.

Eskerte ketetin jaıt, rejımdik shekteý jeke jáne zańdy tulǵalardyń kásipshilik, zertteý nemese izdestirý qyzmeti maqsatynda paıdalanatyn júzý quraldaryna ári qaraı da qoldanyla beredi.

Atalǵan ózgeris habarlama taraǵan soń 10 kúnnen keıin, ıaǵnı 17 maýsymnan bastap qoldanysqa engizildi.