Kaspıı jaǵalaýyndaǵy tabıǵı rezervatta qamys janyp jatyr
Atyraý oblystyq tótenshe jaǵdaılar departamenti qoǵammen baılanys tobynyń málimetinshe, qamys órti 1 jeltoqsanda tutanǵan.
«Kaspıı teńizi jaǵalaýynda Damby aýylynan 30 shaqyrym qashyqtaǵy qamys órtine jetý múmkin bolmaı otyr. Óıtkeni, órt batpaqty jerde janyp jatyr. Órttiń jalpy aýmaǵy shamamen 41 gektardy quraıdy. Oǵan órt sóndirý tehnıkalarynyń barý múmkindigi bolmaǵandyqtan, tótenshe jaǵdaılar departamentiniń 11 qyzmetkerleri «Aqjaıyq» memlekettik tabıǵı rezervatynyń mamandarymen birge kezekshilik uıymdastyryldy. Al, 9-12 jeltoqsan aralyǵynda tótenshelikter «Aqjaıyq» memlekettik tabıǵı rezervat qyzmetkerlerimen birlesip qamystyń órtin sóndirdi. Qazir 37 gektarda qamys órti sóndirildi. Órt sóndirý jumystaryna 2 tehnıka tartyldy», -dep habarlady departamenttiń qoǵammen baılanys toby.
Kaspıı teńiziniń jaǵalaýyndaǵy qamys órtinen eldi eldi mekender tónip turǵan qaýip joq.
Eske sala ketelik, budan buryn Atyraý oblysynda Kaspıı jaǵalaýynda 10 kún janǵan qamys órti sóndirilgenin habarlaǵan bolatynbyz.
Kaspıı teńiziniń jaǵalaýyndaǵy qamys órtin sóndirýge departamenttiń jeke quramynan 34 adam, 5 tehnıka, 4 motosorǵysh, 1 generator, 40 jeń, 1 úrlemeli shatyr, sondaı-aq, O.Kóshekov atyndaǵy Atyraý agrarlyq-tehnıkalyq kolledjiniń 1 John Deere-6135b traktory men 1 qyzmetkeri, «Qazavıaqutqarý» AQ-dan MI-871 tikushaǵy men 5 adam tartylǵan.
