Kaspıı jaǵalaýyndaǵy órtengen qamysty sóndirý jumystary jalǵasýda
ATYRAÝ. QazAqparat - Atyraý oblysy TJD qyzmetkerleri júrgizgen barlaý jumystary barysynda 7 órtenip jatqan jer tabyldy. Qabyldanǵan sharalardyń arqasynda aldyn ala 1 gektar alańda úsh oshaq sóndirildi. Bul týraly QazAqparat TJM silteme jasap habarlaıdy.
Órtke baılanysty TJD-da jedel shtab quryldy. Tútinge qaramastan eldi mekenderge qaýip joq.
Batpaqty jerler men ońtústik-shyǵystan sekýndyna 21 metr jyldamdyqpen soqqan jel órtti sóndirýdi qıyndatty. Sonymen qatar arnaıy tehnıkanyń barýy qıynǵa soqty, órtti sóndirý aspaly órt sóndirgishter men shartyldaqtardyń kómegimen júzege asyrylady.
Kaspıı teńiziniń jaǵalaýyndaǵy qamysty sóndirýge jeke quramnan 33 adam, 9 birlik tehnıka bar oblystyq TJD, «Aq Jaıyq» memlekettik tabıǵı rezervatynan 25 qyzmetker jáne 6 birlik tehnıka kúshteri men quraldary jumyldyryldy.
Órtti sóndirý jumystary jalǵasýda.
Eske salsaq, 10 qazan kúni Kaspıı jaǵalaýyndaǵy batpaqty jerde shirigen shóp pen qamys órtene bastaǵan bolatyn.