Kaspıı jaǵalaýyndaǵy órt «Aqjaıyq» tabıǵı rezervatynyń aýmaǵyna taraldy

ATYRAÝ. QazAqparat – Atyraýda Kaspıı jaǵalaýyndaǵy órt tabıǵı rezervat aýmaǵyna taraldy, dep habarlaıdy QazAqparat.

Bul týraly «Aqjaıyq» memlekettik tabıǵı rezervatynan habarlandy.

Atyraýdan 30 shaqyrym qashyqtyqta Kaspıı jaǵalaýyndaǵy órt rezervattyń býferlik aımaǵyna jetti. Bul Zaroslyı men Prımorskıı kanaldary arasyndaǵy aýmaq.

Qazir órtti sóndirýge qoryqtyń 25 qyzmetkeri kiristi. Motosorǵysy bar tórt qaıyq, eki órt sóndiretin jáne tórt jol tańdamaıtyn kólik jumyldyrylǵan. Órtti óńirdiń TJD bólimsheleri de sóndirip jatyr.

Eske sala ketsek, 10 qazanda Kaspıı jaǵalaýyndaǵy qamys órtene bastady. Atyraý oblysy TJD qyzmetkerleri júrgizgen barlaý jumystary barysynda órttiń 7 oshaǵy tabyldy.

Aıta keterligi, tamyz aıynyń sońynda Kaspıı teńiziniń jaǵalaýynda órt shyqqan bolatyn.

Avtory Vıktor Sýtıagın