Kaspıı jaǵalaýyndaǵy órt «Aqjaıyq» tabıǵı rezervatyna aýysty
ATYRAÝ. QazAqparat – Kaspıı teńizi jaǵalaýyndaǵy qyzyl jalyn «Aqjaıyq» tabıǵı rezervatyndaǵy órtke ulasty, dep habarlaıdy QazAqparat tilshisi.
Atyraý oblystyq TJD baspasóz qyzmetiniń habarlaýynsha, Atyraý qalasynan 20 shaqyrym jerde Kaspıı teńiziniń jaǵalaýynda 22 tamyzda bastalǵan órt áli sóndirilgen joq. Balqýraılar janyp jatyr.
24 tamyz kúni órt jelmen «Aqjaıyq» tabıǵı rezervatyna aýysqan. Rezervat qyzmetkerleri qyzyl jalyndy aýyzdyqtaýǵa kiristi.
Buǵan deıin habarlaǵanymyzdaı, Atyraýda Kaspıı teńiziniń jaǵalaýynda qyzyl jalyn sharpyǵan aýmaq artyp jatyr.
Órt sóndirýshiler jalyndy sóndirýge áreket etkenmen, batpaqtyń saldarynan jaqyndaı almaǵan.
