Kaspıı jaǵalaýyndaǵy órt 5 kúnnen keıin sóndirildi
ATYRAÝ. QazAqparat – Atyraý oblysynda 5 kún boıy jalyndaǵan dala órti sóndirildi. QazAqparat bul týraly QR Tótenshe jaǵdaılar mınıstrliginiń baspasóz qyzmetine silteme jasap habarlaıdy.
«Órtpen kúreske Atyraý oblysy Tótenshe jaǵdaı departamentiniń 49 qyzmetkeri, 7 tehnıkasy men «Qazavıaqutqarý» AQ tikushaǵy jumyldyryldy. Jumys barysynda tikushaq 87 tonna kóleminde 29 ret sý shashty», - dedi mınıstrlikten.
Eske sala ketsek, búgin ǵana Kaspıı jaǵalaýy 5 kúnnen beri órtenip jatqany habarlanǵan bolatyn.
10 qazanda kúndiz Atyraý qalasynyń Keńózek aýyldyq okrýginde Kaspıı teńizi jaǵalaýynyń batpaqty jerinde qamys tutanǵan bolatyn. Órt oshaqtary anyqtalǵannan keıin dereý oqıǵa ornyna órt sóndirýshiler jiberilgen edi. 5 kún boıy órt sóndirýshiler jeldiń kúsheıýine, sondaı-aq batpaqty jermen jáne ósimdikterdiń qalyń ósýine baılanysty qıyn jaǵdaılarda otpen kúresti. Tehnıkanyń ótý qıyndyǵynan jalyndy sóndirýge avıatsııa paıdalanyldy.
