Kaspıı jaǵalaýyndaǵy qamys órtin sóndirýge tikushaqpen 30 tonna sý tógildi
ATYRAÝ. QazAqparat – Atyraý oblysynda Kaspıı teńiziniń jaǵalaýyndaǵy qamysórtin sóndirý úshin tikushaqpen 30 tonna sý tógildi, dep habarlaıdy QazAqparat.
Kaspıı teńiziniń jaǵalaýyndaǵy batpaqta qamys janyp jatyr.
Qamys órtin sóndirý úshin 7 qazanda tikushaq tartyldy. Sol kúni ekıpajdyń 5
múshesi «MI-8» (AMT) VSÝ-5 sý aǵyzý qurylǵysy bar tikushaǵymen áýeden barlaý
júrgizip, qamys órtiniń eki frontaldy oshaǵyn anyqtady. Ony sóndirý úshin
Qurmanǵazy aýdandyq tótenshe jaǵdaılar bólimi men №7 órt sóndirý bóliminiń jeke
quramnan 11 qyzmetker, qosymsha kúshter men quraldar tartylǵan.
«Jeke quramnyń qyzmetkerleri 7 qazanda saǵat 12:30-dan saǵat 17:30-ǵa deıin 12 gektar
aýmaqtyń órtin óshirdi. Al, 8 qazanda Kaspıı teńiziniń jaǵalaýynda janyp jatqan órt
oshaqtaryn sóndirý jumystaryna oblystyq tótenshe jaǵdaılar departamentiniń 23
qyzmetkeri, 4 birlik tehnıka, 4 motosorǵysh jumyldyryldy. Janý oshaǵyna jaqyn
ornalasqan sý kózin izdeý maqsatynda «Qazavıaqutqarý» AQ batys óńirlik fılıalynyń
«MI-871» tikushaǵy saǵat 12:12-de áýege kóterilip, 5 shaqyrym qashyqta ornalasqan sý
qoımasyn anyqtady. Sý qoımasynan sý tasý arqyly «MI-871» tikushaǵy VSÝ-5 sý aǵyzý
qurylǵysymen janý oshaqtaryna áýeden 30 tonna sý tógildi. Órttiń jalpy aýmaǵy 150
gektardy qurady. Jalyn sharpyǵan 50 gektar aýmaqtaǵy órt sóndirildi», - dep habarlady
oblystyq tótenshe jaǵdaılar departamentiniń baspasóz qyzmeti.
Kaspıı teńiziniń jaǵalaýyndaǵy qamys órtin sóndirý búgin de jalǵasyp jatyr.
