Kaspıı jaǵalaýynda Rixos Aktau qonaqúıi qashan ashylatyny belgili boldy

NUR-SULTAN. QazAqparat – Kaspıı jaǵalaýyndaǵy Rixos Aktau qonaqúıi shilde aıynda ashylady. Bul týraly QR Mádenıet jáne sport mınıstrligi Týrızm ındýstrııasy komıtetiniń tóraǵasy Dastan Rysbekov aıtty, dep habarlaıdy QazAqparat tilshisi.

«Josparǵa sáıkes, bul qonaqúıdi shilde aıynyń basynda ashý kózdelgen. Keıbir týrıstik operatorlar týrıstik joldamalaryn satyp ta jatyr. Bir jerlerden joldama quny 256 myń teńge kóleminde ekenin baıqap qaldym. Oǵan 2 jáne 3 kún kiredi. Degenmen, joldama qunyna áýe bıletiniń baǵasy da kiretinin eskergen jón. Bul joldamalardyń qysqa merzimdi ekendigin eskerer bolsaq, áýe bıletiniń baǵasy 40 paıyzǵa jetip qalýy múmkin. Buǵan qosa, bul qunǵa all inclusive júıesi boıynsha tamaqtaný da kiredi», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, bul qonaqúıde joldama baǵasy sheteldegi dál osyndaı qyzmetke qaraǵanda birshama tómen bolatyny anyq.

-«Eger mysal retinde joldamany 7-10 kúnge esepter bolsaq, onda baǵasy sheteldik balamaǵa qaraǵanda birshama tómen shyǵady. Qazirgi ýaqytta 3 táýlikke Túrkııaǵa ne bolmasa Mysyrǵa saparlaıtyn bolsa, onda dál qazirgi kezde Rixos Aktau qonaqúıi usynyp otyrǵan baǵadan áldeqaıda asyp túsetini anyq», - dedi Dastan Rysbekov.

Foto: lada.kz