Kaspıı jaǵalaýynda qamys órtendi

ATYRAÝ OBLYSY.QazAqparat – Atyraýda Kaspıı teńizi jaǵalaýyndaǵy qamystar órtendi. Sonyń saldarynan bir kólik pen qaıyq janyp ketti, dep habarlaıdy QazAqparat.

«10 qazan kúni Kaspıı jaǵalaýyndaǵy batpaqty jerde shirigen shóp pen qamys órtendi. Qazirgi tańda jalyn sharpyǵan aımaqtyń kólemi anyqtalyp jatyr. Órt teńizge qaraı órship barady. Eldi mekenderge qaýip tónip turǵan joq. Órt saldarynan «VAZ-21214» markili kólik pen «Fregat» rezına qaıyǵy janyp ketti. Oqıǵa ornyna avtotsısterna men jol talǵamaıtyn «Trekol» kóligii jáne TJM-niń 11 qyzmetkeri jetti»,-dep habarlady TJD baspasóz qyzmeti.

Órt keshkisin sóndirilgen.

Vıktor Sýtıagın