Kaspıı jaǵalaýynan óli ıtbalyqtar tabyldy

NUR-SULTAN. QazAqparat – Búgin jergilikti turǵyndar Mańǵystaý oblystyq Orman sharýashylyǵy jáne janýarlar dúnıesi aımaqtyq ınspektsııasyna ıtbalyqtardyń qyrylyp jatqany týraly málimdegen, dep habarlaıdy QazAqparat agenttigi Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmetke siltememen.

Inspektsııa qyzmetkerleri jedel túrde 1, 7 jáne 15-shi yqshamaýdandardaǵy Kaspıı teńiziniń jaǵalaýyna jetip, 3 kaspıı ıtbalyǵyn tapqan.

Qaraý barysynda sý janýarlary shamamen kúz kezinde ólgeni belgili boldy.

Dene qatty buzylyp ketkendikten synama alý múmkin bolmady.

Teńiz jaǵalaýy men sýda budan ózge ıtbalyq ushasy jáne munaı ónimderi men lastaýshy zattar tabylmady.

Oblystyq ınspektsııa memlekettik ınspektorlary monıtorıng jumystaryn júrgizip jatyr.