Kaspıı jaǵalaýyn damytý: vıllalar, golf klýby men saýda ortalyǵy ashylady

AQTAÝ. QazAqparat - Mańǵystaý oblysyndaǵy «TETYSBLU» týrıstik qalashyǵynda shilde aıynda tematıkalyq park paıdalanýǵa beriledi. Bul týraly týrıstik qalashyqtyń atqarýshy dırektory Mahmut Jarımbetov málim etti, dep habarlaıdy QazAqparat tilshisi.

Onyń aıtýynsha, «TETYSBLU» týrıstik qalashyǵy Kaspıı teńiziniń ońtústik-shyǵys jaǵajaıynda 130 ga jerge salynady. Onyń ishinde tematıkalyq park, vıllalar, golf klýby men saýda ortalyǵy bolady. Qazir bul nysandardyń qurylysy qarqyndy júrip jatyr.

Qalashyqta 40 ga jerde golf klýb salynýda. Klýb aýmaǵynda 98 vılla boı kóteredi. Atalǵan vıllalardyń jartysy jyl sońyna deıin paıdalanýǵa beriledi. Jobanyń josparyna sáıkes, saýda ortalyǵy men ekinshi 5 juldyzdy qonaq úıdiń qurylysy da jyl sońyna deıin aıaqtalady.