Kaspıı jaǵalaýy táýlik boıy kúzetiledi

AQTAÝ. QazAqparat - "Kaspıı" statsıonarlyq patrýldik beketi Aqtaýdaǵy 4-shaǵynaýdannan 15-shaǵyn aýdandaǵy "Samal" turǵyn alabyna deıingi jaǵalaý aımaǵyn elektromobılder men kvadrotsıklderde táýlik boıy patrýldeýdi qamtamasyz etedi, dep xabarlaıdy QazAqparat tilshisi.

Budan bólek, 16 kamera qoıylǵan. Olar Kaspııdiń jaǵasynda bolyp jatqan jaǵdaıdyń barlyǵyn túsiredi. 36 ese úlkeıtý fýnktsııasynyń arqasynda quqyq buzýshynyń kinásin dáleldeýge kómektesedi. Beıne bir aı ishinde kompıýter jadynda saqtalady.

Jalpy 7 kvadrotsıkl jáne 2 elektromobıl jumyldyrylǵan. Jyl boıy Aqtaý qalasy PB JPQ BPPP patrýldik polıtsııa qyzmetkerleri osyndaı arnaıy avtokóliktermen patrýldeýde. Qyzmetkerler eki adamnan aýysymmen jumys isteıdi.

Kez kelgen quqyq buzýshylyq ratsııa arqyly beriledi jáne patrýl shaqyrý ornyna elektrokarmen nemese kvadrotsıklmen barady. Bekette jedel basqarý ortalyǵy bar. Osydan búkil jaǵalaý aımaǵy kórinedi. Beınebaqylaý júıesi 4 shaqyrym radıýsta jaǵalaý aımaǵyn baqylaıdy.

Osylaısha, polıtseıler qoǵamdyq tártipti saqtaýdy jáne quqyq buzýshylyqtardyń aldyn alýdy qamtamasyz etýde.