Kaspıı jaǵalaýynda 200-den asa matros Otanǵa adal bolýǵa ant berdi

AQTAÝ. KAZINFORM — Aqtaýda Áskerı-teńiz kúshteriniń sapynda merzimdi qyzmet atqaratyn matrostardyń ant qabyldaý rásimi saltanatty túrde ótti. Shara alǵash ret 15-shi shaǵyn aýdandaǵy Amfıteatr alańynda ashyq aspan astynda ótti. Bul týraly Qorǵanys mınıstrligi málim etti. 

Іs-sharaǵa Aqtaý qalasy ákiminiń orynbasary Bekzat Júsip, Áskerı-teńiz bazasynyń basshylyǵy, Qarýly kúshterdiń ardagerleri, Mańǵystaý, Atyraý jáne Batys Qazaqstan oblystarynan shaqyrylǵan áskerı qyzmetshilerdiń týǵan-týystary qatysty.

Ar-namys pen erlik týynyń astynda 200-diń ústinde jaýynger Otanǵa adal bolýǵa ant berdi.

– Sender ant bergen soń Otanǵa qyzmet etýge kirisesińder. Árqaısyń aıbyndy tý men el aldyndaǵy antqa adal bolyńdar. Abyroımen qyzmet etip, aman-esen otbasylaryńa oralýlaryńa tilektespin, – dedi áskerı-teńiz bazasynyń komandıri 1-dárejeli kapıtan Esenǵalı Baıbotaev.

Ant qabyldaý rásimi aıaqtalǵan soń kórermenderge áskerı teńizshiler qoıan-qoltyq urys tehnıkasyn, saptyq daıyndyq elementterin jáne kózderin baılap avtomat qurastyrý sheberligin kórsetti.

Saltanatty marshpen qalanyń jaǵalaý boıymen júrip ótken sarbaz uldaryna ata-analary súısine qarap turdy.

Aıta keteıik, buǵan deıin Aqtaý garnızonynyń 200-den asa sarbazy Jaýyngerlik týmen qoshtasqan edi.