Kaspıı jaǵalaýynan tabylǵan ıtbalyq ólekseleriniń sany 533-ke jetti
AQTAÝ. KAZINFORM – Itbalyqtardyń jappaı qyrylýy qazan aıynyń sońynda bastaldy. Sodan beri ınspektorlar kún saıyn Kaspıı teńiziniń jaǵalaýynan ólgen ıtbalyqtardy anyqtaýda. Búginde 500-den astam sý janýarynyń ushasy jınalyp, joıyldy.
Mańǵystaý oblystyq balyq sharýashylyǵy ınspektsııasy basshysynyń mindetin atqarýshy Andreı Rýdskııdiń málimetinshe, keshe 7-qarashada keshke deıin taǵy 200-ge jýyq ıtbalyqtyń ushasy jınalyp, joıý úshin polıgonǵa jetkizilgen.
Jalpy qazannyń 24-29 aralyǵynda jaǵalaýdan 289 ólekse tabylǵan.
Al, 4-5 qarasha kúnderi 121 usha anyqtaldy. Endi soǵan taǵy 195 ólgen ıtbalyq qosylyp, barlyǵy 533 ólekse joıyldy.
Buǵan deıin ıhtıolog Ásel Baımuqanova ıtbalyqtardyń teńizdiń soltústik aýmaǵyna mıgratsııasy kezinde qyrylǵanyn aıtqan bolatyn.
