Kaspıı jaǵalaýynan seksenge jýyq ıtbalyqtyń óleksesi tabyldy
AQTAÝ. KAZINFORM - Mańǵystaý oblysynyń Túpqaraǵan aýdanyndaǵy Kaspıı teńizi jaǵalaýyna monıtorıng júrgizý barysynda 12 ıtbalyqtyń óleksesi tabyldy.
Teńiz janýarlarynyń qyrylǵanyn 25 sáýir kúni oblystyq balyq ınspektsııasy basqarmasynyń Jaıyq-Kaspıı oblysaralyq basseındik balyq sharýashylyǵy ınspektsııasynyń qyzmetkerleri anyqtady.
«Oqıǵa týraly jumys tobyna kiretin jergilikti atqarýshy organdar, mamandandyrylǵan ǵylymı uıymdar, Kaspıı ıtbalyǵyn zertteý jáne ońaltý ortalyǵy, Gıdrobıologııa jáne ekologııa ınstıtýty, qazaqstandyq Qoldanbaly Ekologııa agenttigi, Mıkrobıologııa jáne vırýsologııa ǵylymı-óndiristik ortalyǵy, oblystyń veterınarııalyq qyzmeti, Ekologııa jáne polıtsııa departamentteri, Tabıǵat qorǵaý prokýratýrasy jedel túrde habardar etildi. Inspektsııa men jergilikti atqarýshy organdardyń, Gıdrobıologııa jáne ekologııa ınstıtýtynyń ókilderinen turatyn jumys toby ıtbalyqtar anyqtalǵan ornynǵa shyqty», - dedi balyq sharýashyǵy komıtetiniń ókilderi.
Sonymen qatar 23-24 sáýir kúnderi ınspektsııa teńiz jaǵalaýyna monıtorıng júrgizý kezinde 67 ıtbalyq ólekseleri tapqan. Alaıda olardyń óleksesi shirı bastaǵany belgili boldy.
«Itbalyqtardyń ólekseleri shirigen kúıde boldy. Janýarlar qys mezgilinde qyrylǵan bolýy múmkin jáne osy ýaqyt ishinde ólikter sýda qalqyp júrgen degen boljamǵa negiz bar. Itbalyq ushalary 23 sáýirden bastap batystan soqqan qatty jeldiń saldarynan jaǵaǵa shyǵyp qalǵan. Gıdrobıologııa jáne ekologııa ınstıtýtynyń qyzmetkerleri synamalardy alýǵa bolatyn birneshe ólekseden tıisti zertteýler júrgizý úshin ishki aǵzalardyń tinderin, sondaı-aq azý tisterin ishinara iriktep aldy», - dedi balyq sharýashyǵy komıteti.
Qazirgi ýaqytta Jaıyq-Kaspıı oblysaralyq basseındik balyq sharýashylyǵy ınspektsııasynyń qyzmetkerleri Kaspıı teńiziniń jaǵalaý aımaǵynyń monıtorıng jumystaryn jalǵastyryp jatyr.
Buǵan deıin Mańǵystaý oblystyq Ekologııa departamenti naýryz aıynyń sońy men sáýir aıynyń basynda Kaspııde teńiz janýarlarynyń qyrylýyna qatysty zertteý jumystary bastalǵanymen, ázirge sebebi anyqtalmaǵanyn ataǵan bolatyn.
Búginde ınspektsııa 25 naýryzdan bastap búginge deıin 182 ıtbalyqtyń óleksesin tapqan.
