Kaspıı túbinde munaı qubyryn salý múmkindigi zertteledi – mınıstrlik
ASTANA. KAZINFORM – Kaspıı túbinde munaı qubyryn salý múmkindigi zertteledi. Bul týraly Energetıka mınıstrliginen málim etti.
Vedomstvo málimetinshe, orta merzimdi perspektıvada Atyraýdan Quryqqa deıin munaı qubyryn salý múmkindigi qarastyrylyp jatyr.
Sondaı-aq Transkaspıı teńiz munaıyn tasymaldaýdy jylyna 7 mln tonnaǵa deıin ulǵaıtýǵa múmkindik bar.
Bul Aqtaý portynyń qoldanystaǵy qýatyna sáıkes keledi.
«Qaýipsiz tasymaldaýdy qamtamasyz etý úshin 12 myń tonnalyq 10-ǵa jýyq jańa dedveıt tankeri qajet bolady. Sondaı-aq, Kaspıı túbinde munaı qubyryn salý múmkindigi zertteledi. Qazaqstandyq munaıdy eksporttyq baǵyttarǵa jetkizý sharýashylyq júrgizýshi sýbektilerdiń ekonomıkalyq oryndylyǵy men ýaǵdalastyqtaryna baılanysty bolady», - dep atap ótedi mınıstrlikten.
