Kaspıı teńiziniń jaǵalaýyndaǵy 5 gektar aýmaqta qamys órtenip jatyr

ATYRAÝ. KAZINFORM – Kaspıı teńiziniń Atyraý oblysyndaǵy jaǵalaýynda 5 gektar aýmaqta qamys byqsyp jatqany anyqtaldy. Ony sóndirýge tikushaqpen 18 ór sóndirýshi jiberildi.

Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, búgin, 7 qazanda saǵat 13:00-de «Evrokopter» tikushaǵymen Kaspıı teńiziniń jaǵalaýyna áýeden barlaý júrgizilgen.

«Barlaý nátıjesinde Qurmanǵazy aýylynan 43 shaqyrym, Zıneden aýylynan 56 shaqyrym qashyqtyqtaǵy Kaspıı teńiziniń jaǵalaýynda 5 gektar qamys byqsyp jatyr. Onyń oshaǵy sýly, batpaqty jerde bolǵandyqtan, jerden sóndirýge qıyndyq týyndady. Sol sebepten, órt oshaǵyna saǵat 15:15-te «Qazavıaqutqarý» AQ-nyń MI-8 tikushaǵymen 18 órt sóndirýshi jiberildi», - dep habarlady departamenttiń qoǵammen baılanys toby. 

Al, saǵat 17:00-de tikushaqpen áýeden sý tógý bastalǵan. Teńiz jaǵalaýynda byqsyǵan qamysty sóndirý jalǵasyp jatyr.

«Áleýmettik jelide Atyraý oblysyndaǵy qamys órtiniń Reseı Federatsııasynyń keıbir aımaǵyndaǵy tútinge sebep bolǵany týraly taraǵan aqparat rastalǵan joq. Qamys byqsyp jatqan aýmaq Atyraý oblysy men Reseıdegi Astrahan óńiri arasyndaǵy shekaradan 150 shaqyrym qashyqta ornalasqan», - dep málim etti departamenttiń qoǵammen tobynan. 

Eske sala ketelik, Reseıdiń Astrahan oblysymen shekaradaǵy qamys órtiniń ıisi Atyraýǵa jetkenin jazǵan bolatynbyz.