Kaspıı teńiziniń jaǵalaýynda qamys órtenip jatyr

ATYRAÝ. KAZINFORM – Kaspıı teńiziniń Atyraý oblysyndaǵy jaǵalaýynda qamys órtenip jatyr. Oblystyq jedel shtabtyń málimetine qaraǵanda, qamys órti búgin, 11 sáýir tutanǵan. Bul týraly saǵat 15:00-de belgili bolǵan. 

«Atyraý qalasyndaǵy Tasqala aýylynan Kaspıı teńizi baǵytyna qaraı 20 shaqyrym qashyqtyqta qamys órtenip jatyr. Qazir jalyn sharpyǵan aýmaq anyqtalýda. Qamys órtinen eldi mekenderge tónip turǵan qaýip joq», - dep málim etti oblystyq jedel shtabtan. 

Kaspıı jaǵalaýyndaǵy qamys órtin sóndirýge tótenshe jaǵdaılar departamentinen 11 qyzmetker men 4 tehnıka jumyldyrylǵan. 

Eske sala ketelik, budan buryn Reseıdiń Astrahan oblysynda janǵan qamystyń jaǵymsyz ıisi Atyraýda sezilgen edi.