Kaspıı teńiziniń taıazdanýynan Aqtaýdaǵy sý arnalary tartylyp qalǵan
AQTAÝ. KAZINFORM — Aqtaýda turǵyndardy turaqty aýyz sýmen qamtamasyz etý úshin «MAEK» JShS qarasty sý arnalaryn tereńdetý jumystary bastaldy.
Aqtaý qalalyq qurylys bóliminiń basshysy Erkinbek Jaýqannyń aıtýynsha, arnalardy tereńdetý jumystary qańtar aıyna deıin jalǵasady.
— Qalany turaqty aýyz sý jáne elektr energııasymen qamtamasyz etý úshin Aqtaý qalasy ákimdigi men merdiger mekeme arasynda kelisimshart jasaqtaldy. «MAEK» seriktestiginiń sý kanalyn tereńdetý jumystary 2025 jyldyń qańtar aıyna deıin júrgiziledi. Jumys júrgizilip jatqan aýmaqtyń jalpy uzyndyǵy shamamen 560 metr, eni orta eseppen 20 metrdi quraıdy, — deıdi ol.
Merdiger kompanııanyń tehnıkalyq dırektory Alekseı Katınniń málimetinshe, osy sý arnasy arqyly «MAEK» JShS-niń jylý elektr ortalyǵyna sý jetkiziledi.
— Biz bul ýchaskede kanaldyń tereńdigin kem degende 3 metrge jetkizýimiz kerek. Qazirgi ýaqytta jumystardy oryndaý úshin úsh ekskavator jumyldyrylǵan. Olardyń bireýi 18 metrlik uzyn jabdyqpen jabdyqtalǵan. Sonymen qatar, tehnologııalyq joldy daıyndaý úshin standartty jabdyqtary bar tehnıka qoldanylýda. Qazirgi tańda jer qazý kólemi shamamen 5000 sharshy metrdi quraıdy. Kelisimshart aıasynda biz 23 515 sharshy metr topyraq úıindisin shyǵarýymyz kerek, — dedi merdiger kompanııanyń tehnıkalyq dırektory Alekseı Gatın.
Buǵan deıin, Mańǵystaýda balalar arasynda týberkýlez aýrýy kóbeıgenin jazǵan bolatynbyz.