Kaspıı teńiziniń tartylýy Orta dálizdiń tranzıttik áleýetine qalaı áser etedi
TAShKENT. KAZINFORM – Ózbekstandaǵy Ortalyq Azııa halyqaralyq ınstıtýtynda Eýropa men Ortalyq Azııadaǵy saıası taldaý ortalyqtarynyń forýmy ótti, dep habarlaıdy Kazinform agenttiginiń menshikti tilshisi.
Aýqymdy is-sharaǵa eýropalyq jáne óńir elderiniń jetekshi sarapshylary men saıasatkerleri qatysty. Atalǵan forým bıyl sáýirde Ózbekstanda ótetin «Ortalyq Azııa – Eýropalyq Odaq» formatyndaǵy sammıt qarsańynda uıymdastyrylyp otyr.
Forýmda baıandama jasaǵan Qazaqstannyń strategııalyq zertteýler ınstıtýtynyń sarapshysy Ortalyq Azııa men Eýropalyq Odaq elderi yntymaqtastyqty tereńdetýge múddeli ekenin atap ótti.
- Samarqanda ótetin «Ortalyq Azııa – Eýroodaq» sammıti qarsańynda sarapshylar óńirler arasyndaǵy baılanystardyń qazirgi ahýalyn baǵamdap kórdi. Taraptar yntymaqtastyqqa múddeli. Qazaqstan qos aımaq arasyndaǵy taýar aınalymyn arttyrýda mańyzdy rólge ıe. Atap aıtqanda, Orta dálizdiń múmkindigin tıimdi paıdalanyp, elimizdiń tranzıttik áleýetin arttyrý qajet, - dep toqtaldy sarapshy.
Erlan Jaqypovtyń aıtýynsha, búginde Orta dálizdi damytý tóńireginde sheshimin tappaǵan máseleler de bar.
- Bul marshrýtty damytý boıynsha birneshe másele bar. Atap aıtqanda, ınfroqurylymdy jetildirý qajet. Sonymen qatar, qazir Kaspıı teńizi tartylyp barady. Bul tıimdi sheshimdi qajet etetin másele. Ony sheshý úshin Ortalyq Azııa men Eýropalyq Odaq elderi sarapshylarynyń paıymy kerek. Óıtkeni, atalǵan dálizde Kaspıı teńiziniń mańyzy orasan. Buǵan qosa, Transkaspıı baǵyty boıynsha júretin taýar eksportynyń ýaqytyn qysqartý úshin kedendik rásimdeý mehanızmderin ońtaılandyrý oryndy, - dedi E.Jaqypov Kazinform tilshisiniń saýalyna jaýap bere otyryp.
Ortalyq Azııa halyqaralyq ınstıtýtynyń ókili Ýmrbek ıÝsýpovtyń pikirinshe, búginde shıelenisken geosaıası jaǵdaı óńir elderi men Eýropalyq Odaq arasyndaǵy yntymaqtastyqtyń mańyzyn arttyra tústi.
- Álemde geosaıası jaǵdaı kúrdelenip barady. Osy kezeńde Ortalyq Azııa men Eýropalyq Odaq arasyndaǵy yntymaqtastyqqa tyń serpin berý qajet. Buǵan barlyq qatysýshy taraptar múddeli. Tashkent osy eki aımaqty baılanystyrýǵa múmkindik beretin alań usynyp otyr. Alda ótetin sammıt Ortalyq Azııa elderiniń turaqty damýyna jol ashady degen senimdemin, - dedi Ýmrbek ıÝsýpov Kazinform tishisiniń saýalyna jaýap bere otyryp.
Forým qorytyndysy boıynsha sarapshylardyń taldaýyna negizdelgen usynystar legi ázirlendi. Bul pikirlerdi aldaǵy ýaqytta Ortalyq Azııa elderiniń úkimetteri sheshim qabyldaý kezinde basshylyqqa alady.
Eske salaıyq, bıyl 3-4 sáýir aralyǵynda Samarqan qalasynda Eýroodaq pen Ortalyq Azııa elderi basshylarynyń alǵashqy sammıti ótedi.