Kaspıı teńiziniń ortasha deńgeıiniń tómendeý úrdisi baıqalady

ASTANA. KAZINFORM – 2006 jyldan bastap Kaspıı teńiziniń ortasha deńgeıiniń tómendeý úrdisi baıqalady. Bul týraly Májilis depýtattarynyń saýalyna Premer-Mınıstr Oljas Bektenovtiń jaýabyndaı atylǵan.

«Kaspıı teńiziniń deńgeıi tuıyq sý qoımasy retinde aıtarlyqtaı kópjyldyq, jyl aralyq jáne maýsymdyq aýytqýlarǵa ushyraıdy. 1900 jyldan bastap qazirgi ýaqytqa deıingi júıeli baqylaý kezeńinde deńgeı Baltyq júıesi boıynsha (budan ári – BJ) mınýs 25,74 metr (1900 j.) belgisine sáıkes keletin maksımaldy mánnen mınýs 29,01 metr Baltyq júıesine (1977 j.) deıin ózgerdi. Kaspıı mańy elderiniń barlyq baqylaý pýnktteriniń derekteri negizinde eseptelgen Kaspıı teńiziniń ortasha kópjyldyq deńgeıi mınýs -27,35 metr Baltyq júıesin quraıdy», - dedi Úkimet basshysy jaýabynda.

Onyń atap ótýinshe, 2006 jyldan bastap Kaspıı teńiziniń ortasha deńgeıiniń tómendeý úrdisi baıqalady. Ol 2023 jylǵa qaraı 1,96 metrge tómendep, mınýs 28,87 metr Baltyq júıesin qurady.

«2024 jyly Kaspıı teńizine quıatyn ózenderdegi joǵary sý tasqynyna baılanysty tómendeý qarqyny aıtarlyqtaı baıaýlady. Ǵylym jáne joǵary bilim mınıstrligi jarııalaǵan granttyq qarjylandyrý aıasynlda 2 joba jáne baǵdarlamalyq-nysanaly qarjylandyrý aýqymynda 2 baǵdarlama júzege asyrylyp jatyr», - dedi Oljas Bektenov.