Kaspıı teńizinen 3 kún buryn batyp ketken balyqshynyń denesi shyǵaryldy
Aqtaýda Kaspıı teńizine 24 qyrkúıek kúni batyp ketken balyqshynyń denesi shyǵaryldy. Bul týraly Mańǵystaý oblystyq Tótenshe jaǵdaılar basqarmasynyń baspasóz qyzmetinen málim etti, dep habarlaıdy QazAqparat tilshisi.
1993 jyly týǵan azamatqa úsh kúnnen beri izdestirý jumystary júrgizilgen.
Boljam boıynsha ol 24 qyrkúıekte teńiz astynan balyq aýlaý kezinde batyp ketken.
«Búgin 12:08-de tótenshe jaǵdaılar departamentiniń súńgýirleri Shora sý arnasy aýdanynda jaǵadan 400 metr jerde ( 5 metr tereńdikten) adam denesin sýdan taýyp alyp, shyǵardy»,- delingen baspasóz málimetinde.
Іzdestirý jumystaryna Mańǵystaý oblystyq tótenshe jaǵdaılar basqarmasynyń qarýshylary, QR UQK Shekara qyzmetiniń Mańǵystaý oblysy boıynsha jeke quramy jumyldyrylǵan. Sondaı-aq izdestirý jumystaryna mundaı jaǵdaıǵa beı-jaı qaramaıtyn adamdar men eriktiler qosylǵan.
