Kaspıı teńizine qulaǵan belgisiz nysan: Aqtaý garnızony resmı jaýap berdi
AQTAÝ. KAZINFORM – Mańǵystaý oblysy Quryq aýyly mańynda Kaspıı teńizine belgisiz nysan qulap, jergilikti turǵyndardy úreılendirdi. Kýágerlerdiń aıtýynsha, nysan aýyldan birshama qashyq jerde sýǵa túsken, biraq jaǵadan kóringen.
Osy oqıǵa baılanysty Aqtaý garnızony resmı habarlama taratty. Málimetterge súıensek, atalǵan aýmaqta áskerı-teńiz kúshteriniń oqý-jattyǵýy ótkizilgen.
- Bıyl 21 sáýirde Quryq kentiniń ońtústik baǵytynda ornalasqan teńiz polıgonynyń akvatorııasynda Áskerı-teńiz kúshteriniń kemelerimen josparly tapsyrmalar pysyqtalyp, shartty nysanalarǵa praktıkalyq atystar júrgizildi. Qaýipsizdik talaptaryna sáıkes oqý-jattyǵýlar bastalǵanǵa deıin jáne aıaqtalǵannan keıin sıgnaldyq zymyrandar qoldanyldy. Beınejazbada tirkelgen qubylystar josparly oqý-jaýyngerlik is-sharalarmen baılanysty jáne halyq úshin qaýip tóndirmeıdi. Azamattardy sabyr saqtaýǵa jáne tek resmı aqparat kózderine ǵana súıenýge shaqyramyz, - delingen habarlamada.
Buǵan deıin, Kaspıı teńizine qatysty ekologııalyq jobaǵa mıllıondaǵan dollar bólinetinin jazǵan bolatynbyz.
