Kaspıı teńizine qatysty ekologııalyq jobaǵa mıllıondaǵan dollar bólinedi
AQTAÝ. KAZINFORM – Dúnıejúzilik bank Kaspıı teńizine qatysty iri ekologııalyq jobany qarjylandyrýdy maquldady. Bul málimetti Aqtaýda ornalasqan Qazaq Kaspıı teńizi ǵylymı-zertteý ınstıtýtynyń basshysy Serik Ahmetov rastady.
Ázerbaıjan, Qazaqstan jáne Túrikmenstan elderiniń «Kaspııdi kógaldandyrý» dep atalatyn jobasy teńizdiń lastanýymen kúresip, bıoalýantúrlilikti qorǵaýǵa baǵyttalǵan. Ǵalamdyq ekologııalyq qor osy jobany júzege asyrý úshin 11,74 mln dollar kóleminde grant bóletin boldy.
Taǵy 8,24 mln dollar qosymsha qarastyrylmaq.
Sondaı-aq, jobany daıyndaýǵa 183 myń dollar kóleminde grant bólý josparlanǵan.
Bul bastama óńir elderiniń yntymaqtastyǵyn nyǵaıtýǵa jáne Tegeran konventsııasy aıasyndaǵy mindettemelerdi oryndaýǵa baǵyttalǵan.
Aıta keteıik, buǵan deıin Qazaqstan Úkimeti Kaspıı teńizin zertteý jáne saqtaý úshin 1,1 mlrd teńge bólgenin jazǵan bolatynbyz.
