Kaspıı teńizine batyp ketken er adamnyń máıiti 9 shaqyrym qashyqtyqtan tabyldy
ASTANA. KAZINFORM – Mańǵystaý oblysynda Kaspıı teńizine batyp ketken er adamdy izdestirý-qutqarý jumystary aıaqtaldy.
Tótenshe jaǵdaılar mınıstrliginiń málimetinshe, 1999 jyly týǵan er adam shomylýǵa arnalmaǵan jerde sýǵa túsken kezde batyp ketken.
«Keshke qaraı Munaıly aýdanynda Kaspıı teńiziniń jaǵalaýynan, oqıǵa ornynan 9 shaqyrym qashyqtyqta er adamnyń denesi tabyldy», – dep habarlady vedomstvo.
Іzdestirý-qutqarý jumystaryna Mańǵystaý oblysy TJD qyzmetkerleri, ІІM Ulttyq ulany, UQK Shekara qyzmeti, Áskerı-teńiz kúshteri, Polıtsııa departamenti, «YKK Kazakhstan LLP» JShS mamandary, eriktiler, jergilikti turǵyndar jáne TJM avıatsııasy jumyldyryldy.
TJM azamattardy tek arnaıy jabdyqtalǵan jaǵajaılarda shomylýǵa, sýǵa túsýge tyıym salynǵan oryndarǵa barmaýǵa, balalardy qaraýsyz qaldyrmaýǵa jáne sýdaǵy qaýipsizdik talaptaryn qatań saqtaýǵa shaqyrdy.
«Qarapaıym qaýipsizdik sharalaryn elemeý qaıǵyly jaǵdaılarǵa ákelýi múmkin», – dep eskertti mınıstrlik.
Aıta keteıik, buǵan deıin Mańǵystaýda Kaspııge batyp ketken 27 jastaǵy er adamdy izdeý jumystary áli júrip jatqany habarlanǵan bolatyn.
