Kaspıı teńizindegi araldardyń aýdany eki-úsh esege ulǵaıdy
ASTANA. KAZINFORM — P. P. Shırshov atyndaǵy Okeanologııa ınstıtýtynyń zertteýleri teńiz deńgeıiniń tómendeýi tendentsııasynyń kúsheıip kele jatqanyn rastaıdy. Bul týraly TASS agenttigi jazdy.
Kaspıı teńiziniń soltústik bóligin zertteý kórsetkendeı, teńiz deńgeıi tómendeýdi jalǵastyryp, araldardyń aýdany sońǵy jyldary eki-úsh ese ulǵaıǵan.
— Qoldanystaǵy jáne jańa qalyptasqan araldarda jaǵalaýdyń ulǵaıýy baıqalady. Mysaly, Chıstaıa Banka aralynyń aýdany 2019 jylmen salystyrǵanda teńiz deńgeıiniń tómendeýi jáne onyń shyǵys, batys jáne ońtústik bólikterindegi jańa múıizshelerdiń qurǵaýy nátıjesinde eki ese artqan. Sonymen qatar, Tbılısı bankasynan paıda bolǵan araldyń aýdany ótken jylmen salystyrǵanda úsh ese ulǵaıǵan, — delingen P. P. Shırshov atyndaǵy Okeanologııa ınstıtýtynyń habarlamasynda.
Zertteýler teńiz deńgeıiniń turaqty túrde tómendeýi tendentsııasyn rastaıdy.
— Qazirgi sátte anyq nárse bireý ǵana — teńiz deńgeıi tómendeýdi jalǵastyryp otyr, — dedi ekspedıtsııa jetekshisi, Kaspıı fılıalynyń kishi ǵylymı qyzmetkeri Ivan Ermakov.
Eske sala keteıik, buǵan deıin Aqtaý qalasynyń aýmaǵy Kaspıı esebinen keńeıgenin jazǵan edik.
