Kaspıı teńizinde joǵalǵan 18 jastaǵy jasóspirimniń denesi tabyldy
AQTAÝ. KAZINFORM – Mańǵystaý oblysynda Kaspıı teńiziniń jabdyqtalmaǵan jaǵalaýynda sýǵa túsý kezinde joǵalyp ketken 18 jastaǵy aqtaýlyqtyń denesi tabyldy.
Mańǵystaý oblystyq Tótenshe jaǵdaılar departamentiniń málimetinshe, izdestirý-qutqarý jumystary búgin aıaqtalǵan.
– Aqtaý qalasynan 51 shaqyrym jerde tótenshe jaǵdaılar departamentiniń qyzmetkerleri jaǵalaý syzyǵynan 10 metr qashyqtyqta sýdan jasóspirimniń máıitin taýyp, jaǵaǵa shyǵardy. Keıin máıit polıtsııa qyzmetkerlerine tapsyryldy, - delingen habarlamada.
Eske salaıyq, 18 jastaǵy aqtaýlyq 7 shilde kúni shamamen saǵat 15:00-de Kaspıı teńizine shomylý kezinde batyp ketken. Qaıǵyly jaǵdaı onyń týǵan kúninde bolǵan.
Tótenshe jaǵdaılar departamentiniń deregine sáıkes, 2026 jyldyń basynan beri Mańǵystaý oblysynyń sý aıdyndarynda 13 adam qaza tapqan. Onyń 10 deregi resmı esepke alynǵan, al 3 oqıǵa jazataıym jaǵdaı retinde tirkelmegen.
Buǵan deıin, Mańǵystaýda Kaspıı jaǵalaýynda bir kúnde eki adam sýǵa batyp, ajal qushty.
