Kaspıı teńizinde jer silkindi

ASTANA. KAZINFORM — Kaspıı teńizinde magnıtýdasy 4,6 baldyq jer silkinisi boldy, jer silkinisi Lenkoranda da sezildi.

Bul týraly Ázerbaıjan seısmologııalyq ortalyqtyń jer silkinisin zertteý bıýrosy habarlady. 

Aqparatqa sáıkes, jerasty dúmpýleri jergilikti ýaqyt boıynsha 12 sáýir kúni 22:46–da tirkelgen. Jer silkinisiniń oshaǵy 18 shaqyrym tereńdikte ornalasqan. 

Lenkorandaǵy jer silkinisiniń kúshi Rıhter shkalasy boıynsha 3,0 ball dep habarlandy.

Buǵan deıin Qazaqstannyń Ulttyq derekter ortalyǵy Qytaı terrıtorııasynda jer silkinisin tirkegenin habarlady.