Kaspıı teńizinde iri partııamen ırandyq esirtki kontrabandasy ustaldy

ASTANA.KAZINFORM — Ázerbaıjannyń Memlekettik shekara qyzmeti júrgizgen operatsııa nátıjesinde eki Iran azamaty ustalyp, 12 kelige jýyq esirtki zaty tárkilendi, dep habarlaıdy eldiń bas prokýratýrasy. 

Memlekettik shekara qyzmeti men Ázerbaıjan Bas prokýratýrasynyń baspasóz qyzmetteriniń birlesken málimdemesine sáıkes, oqıǵa 4 qyrkúıekke qaraǵan túni Neftchala aýdanynyń mańyndaǵy sý aıdynynda bolǵan. Saǵat 00:25–te patrýldik is-shara kezinde joǵary jyldamdyqpen jaǵalaýǵa qaraı bet alǵan qaıyqty baıqaǵan. Shekara qaıyqtary birden bógeý operatsııasyn bastaǵan.

Dabyl men eskertý oǵyna qaramastan tártip buzýshylar qashyp, aýmaqtyq sýlardy tastap ketýge árekettengen. Olardy toqtatý úshin kemeniń qozǵaltqysh bóliginde ot shyǵyp, saldarynan bortta órt shyqqan.

Sýǵa túskende eki qylmysker de kontrabandalyq zat salynǵan paketterdi teńizge laqtyryp, sýǵa túsip, aman qalýǵa talpynǵan. Alaıda qutqarý operatsııasy kezinde shekarashylar olardy sýdan shyǵaryp, ustalǵandardyń birine alǵashqy medıtsınalyq kómek kórsetken. Qaıyqtaǵy órt sóndirilip, tastalǵan paketten 11 keli 850 gramm esirtki tabyldy.

Ustalǵandardyń jeke basy anyqtaldy, olar Iran Islam Respýblıkasynyń azamattary — 1994 jyly týǵan Gýlreza Djavad Alıreza jáne 1996 jyly týǵan Bordbar Mılad Mansýr.

Bul fakti boıynsha Ázerbaıjan Respýblıkasy Qylmystyq kodeksiniń 206.3.2 (uıymdasqan top jasaǵan kontrabanda), 234.4.1 jáne 234.4.3 (esirtkini zańsyz ótkizý), 318.2 (zorlyq qoldana otyryp nemese ony qoldanamyn dep qorqytyp memlekettik shekarany zańsyz kesip ótý) baptary boıynsha qylmystyq is qozǵaldy.

Tergeý jáne jedel-izdestirý sharalary jalǵasyp jatyr.

Tamyz aıynda Ázerbaıjan Іshki ister mınıstrligi men Memlekettik shekara qyzmetiniń qyzmetkerleri elge quramy psıhotroptyq zattardan turatyn 134 keli marıhýana, geroın, opıat pen 1000 metadon tabletkasyn ákelý áreketiniń jolyn kesti. 

Aıta ketelik Ázerbaıjan Bakýdegi «Formýla 1» qonaqtary úshin vızalyq rejımdi jeńildetti.