Kaspıı teńizinde eki adam qutqaryldy
ASTANA. KAZINFORM – Mańǵystaý oblysynda teńizge shyqqan eki er adam sýǵa ketip qala jazdady.
Olar sapbord taqtasymen serýendeýge shyqqan. Kúshti aǵys saldarynan olardy teńizge qaraı alyp ketken.
Sýdaǵy profılaktıkalyq is-sharalar barysynda TJM jedel-qutqarý jasaǵynyń qyzmetkerleri Aqtaý qalasynyń 4A shaǵyn aýdany mańynda jaǵadan shamamen 500 metr qashyqtyqta kómek suraǵan adamdardy baıqaǵan.
Eki azamat qutqarý jıletterin kıgen, bul qaıǵyly jaǵdaıdyń aldyn alýǵa kómektesti.
Olar qaıyqpen jaǵaǵa jetkizildi. Medıtsınalyq kómek qajet bolmady.
Aıta ketelik ótken jyly qutqarýshylar 276 adamnyń ómirin saqtap qalǵan edi.
