Kaspıı teńizin zertteý ınstıtýty basqa mınıstrlikke ótkizilip jatyr
ASTANA. KAZINFORM – Kaspıı teńiziniń qazaq ǵylymı-zertteý ınstıtýty Ekologııa mınıstrliginiń qaramaǵyna ótkizilip jatyr. Bul týraly Kazinform saýalyna Sý resýrstary jáne ırrıgatsııa mınıstrliginiń resmı jaýabynda aıtyldy.
— «Kaspıı teńiziniń qazaq ǵylymı-zertteý ınstıtýty» KeAQ Qazaqstan Respýblıkasy Úkimetiniń 2024 jylǵy 25 qańtardaǵy № 36 qaýlysymen quryldy. Júrgizilgen taldaý ınstıtýttyń negizgi qyzmeti Ekologııa jáne tabıǵı resýrstar mınıstrliginiń fýnktsııalaryna kóbirek jatatynyn anyqtaǵan. Osynyń negizinde Qazaqstan Respýblıkasynyń Úkimeti ınstıtýtty Sý resýrstary mınıstrliginen Ekologııa mınıstrligine berý týraly sheshim («QR Úkimetiniń 2024 jylǵy 6 jeltoqsandaǵy № 1031 keıbir sheshimderine ózgerister men tolyqtyrýlar engizý týraly» QR PP) qabyldady, — deıdi vedomstvo mamandary.
Vedomstvo málimetinshe, qazirgi ýaqytta Ekologııa mınıstrligi Qarjy mınıstrliginiń Memlekettik múlik jáne jekeshelendirý komıtetimen birlesip, zańdarda belgilengen tártippen ádilet organdarynda atalǵan ınstıtýtty memlekettik tirkeýdi júzege asyryp jatyr.
Eske sala ketsek, Memleket basshysy 2022 jylǵy joldaýynda Kaspıı teńizin zertteý ınstıtýtyn qurýdy tapsyrdy. 2023 jyly «Kaspıı teńiziniń qazaq ǵylymı-zertteý ınstıtýty» kommertsııalyq emes aktsıonerlik qoǵamyn qurý týraly» Úkimet qaýlysy shyqty.
Sońǵy jyldary Kaspıı teńizi jaǵalaýdan alystap bara jatyr.
Osy jaǵdaıǵa qatysty, ıaǵnı teńizdiń taıazdanýyn tejeý úshin qandaı jumystar júrgizilip jatqanyn jazǵan edik.