Kaspıı teńizi tartylyp, Mańǵystaý jaǵalaýynda jańa aral paıda boldy
AQTAÝ. KAZINFORM — Kaspıı teńizindegi sý deńgeıiniń tómendeýine baılanysty Mańǵystaý oblysy aýmaǵynda jańa aral paıda boldy. Jergilikti mamandar «Rybachıı» dep ataǵan araldyń beınejazbasy áleýmettik jelide tarady.
Jańa aral Kaspııdiń soltústik bóliginde, Svıatoı aralynyń shyǵysynda, Mańǵystaý oblysyndaǵy Baýtıno aýylynan shamamen 30 shaqyrym jerde ornalasqan.
«Qazaq balyk» Respýblıkalyq balyq sharýashylyǵy jáne akvamádenıet qaýymdastyǵynyń aımaqtyq fılıalynyń dırektory ári, eko-sarapshy Danııar Ákimjanovtyń aıtýynsha, teńiz sýynyń tartylýyna baılanysty sońǵy 4-5 jylda shaǵyn araldar kóbeıgen.
— Bul aýmaqta Qulaly, Morskoı, Svıatoı, Podgornyı, Úsharal, Dolgıı jáne basqa da araldar ornalasqan. Olardan bólek osyndaı shaǵyn araldar kóbeıip jatyr, — deıdi ol.
Eko sarapshy jańa aralǵa ekspedıtsııa uıymdastyrǵan. Zertteý barysynda aýmaqty jabaıy janýarlardyń da mekendeı bastaǵany anyqtalǵan. Munda qasqyr, qaban jáne borsyq kezdesedi. Al jaǵalaý mańy balyqtar men qustardyń tirshilik etý ortasyna aınalǵan.
Mamandar Kaspııdegi sý deńgeıiniń ózgerýi aımaqtaǵy tabıǵı landshaftqa áser etip jatqanyna alańdaýshylyq tanytty.
Eske salaıyq, buǵan deıin Kaspıı mańy elderi Kaspıı ekojúıesin saqtaý úshin kúsh biriktiretinin habarlaǵan edik.
