Kaspıı teńizi mańynda jer silkindi

AQTAÝ. KAZINFORM — Kaspıı teńizine jaqyn aýmaqta jer silkinisi sezildi.

Seısmıkalyq stantsııalar jelisi búgin túngi 00:09–da jerasty dúmpýleri bolǵanyn málimdedi.

«Jer silkinisiniń oshaǵy Almatydan batysqa baǵytqa qaraı 1913 shaqyrym jerde oryn aldy. Dúmpýdiń energetıkalyq deńgeıi — 9,6, MPV magnıtýdasy — 4,4 boldy — dep jazylǵan seısmıkalyq stantsııalar jelisi taratqan aqparatta.

Atalǵan jaǵdaıdyń elimizdiń aýmaǵynda sezilgeni týraly málimet ázirge aıtylǵan joq.

Buǵan deıin Kaspıı teńizinde Nardaran stantsııasynan shyǵysqa qaraı 20 shaqyrym jerde jer silkinisi tirkelgen bolatyn.