Kaspıı teńiziniń janýarlar álemi men ósimdikter dúnıesin qorǵaýǵa arnalǵan qadamdar aıqyndaldy
Kaspıı teńiziniń teńiz ortasyn qorǵaý jónindegi negizdemelik konventsııaǵa Bıologııalyq ártúrlilikti saqtaý týraly hattamaǵa 2014 jylǵy 30 mamyrda Ashǵabadta qol qoıyldy.
Hattamanyń maqsaty - bıologııalyq ártúrliliktiń ómirsheńdigi men tutastyǵyn qorǵaý, saqtaý ári qalpyna keltirý jáne Kaspıı teńiziniń bıologııalyq resýrstaryn ornyqty paıdalanýdy qamtamasyz etý.
Qujatta:
- Kaspıı teńiziniń janýarlar álemi men ósimdikter dúnıesine teris áser etetin qyzmetti retteý;
- flora men faýnanyń qorǵalatyn túrlerin kommertsııalyq maqsatta ádeıi aýlaýdy, ıelenýdi nemese soıýdy, tasymaldaýdy ári paıdalanýdy baqylaý jáne qajet bolýyna qaraı olarǵa tyıym salýdy engizý;
- Kaspıı jaǵalaýy mańyndaǵy jáne teńiz ekojúıelerin qorǵaý maqsatynda qorǵalatyn aýdandardy bólý;
- Kaspıı teńiziniń bıoártúrliligin qorǵaý jáne qalpyna keltirý boıynsha Kaspıı mańy memleketteriniń yntymaqtastyǵy kózdeledi.
Budan buryn habarlanǵandaı, búgin Májilistiń jalpy otyrysynda «Kaspıı teńiziniń teńiz ortasyn qorǵaý jónindegi negizdemelik konventsııaǵa Kaspıı teńizin jerústi kózderinen jáne qurlyqta júzege asyrylatyn qyzmet nátıjesinde lastanýdan qorǵaý jónindegi hattamany ratıfıkatsııalaý týraly» zań jobasy maquldandy.