Kaspıı teńiziniń jaǵalaýynda óli ıtbalyqtar tabyldy

AQTAÝ. QazAqparat – Kaspıı teńiziniń jańalaýynda óli ıtbalyqtar tabyldy. Bul týraly Egologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet málim etti, dep habarlaıdy QazAqparat tilshisi.

19 sáýir kúni Mańǵystaý oblystyq Orman sharýashylyǵy jáne janýarlar dúnıesi aımaqtyq ınspektsııasynyń memlekettik ınspektorlary Túpqaraǵan aýdanyndaǵy reıd barysynda Qarajanbas ken orny mańyndaǵy bógettiń aýmaǵynda óli 4 ıtbalyqty anyqtady. Sonymen qatar 20 sáýirde Fort-Shevchenko qalasyndaǵy Kaspıı jaǵalaýynda taǵy bir óli ıtbalyq tabyldy.

Tekserý kezinde sý janýarlary shamamen ótken kúzde ólgeni belgili boldy. Itbalyqtar denesiniń qatty buzylýyna baılanysty tıisti synamalar alý múmkin bolmady.

Teńiz jaǵalaýy men sýdyń ózinde ózge óli ıtbalyqtar anyqtalmady.