Kaspıı teńiziniń jaǵalaýyn monıtorıngileý jumystary kúsheıtildi

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi Aqtaý qalasynyń jaǵajaıyndaǵy Kaspıı ıtbalyǵy boıynsha áleýmettik jelilerde taraǵan aqparatqa qatysty túsinikteme berdi, dep habarlaıdy QazAqparat mınıstrliktiń Telegram kanalyna silteme jasap.

«2022 jylǵy 11 shildede Kaspıı ıtbalyǵy Aqtaý qalasyndaǵy jaǵajaı jaǵalaýyna shyqty. Janýar kún sáýlesinde shamamen 40 mınýt jylynyp, sodan keıin sýǵa oralyp, júzip ketti. Bul rette, janýardyń saýlyǵyn jáne qandaı da bir jaraqat almaǵany týraly aıtýǵa bolady. Jaıyq-Kaspıı oblysaralyq basseındik balyq sharýashylyǵy ınspektsııasyna Kaspıı teńiziniń jaǵalaý beldeýine monıtorıngti kúsheıtý tapsyryldy.

2020 jyldan bastap Kaspıı ıtbalyǵy sırek kezdesetin jáne quryp ketý qaýpi tóngen janýarlar túrleriniń tizbesine (QR Qyzyl kitaby) engizilgenin eske sala keteıik»,-delingen habarlamada.

Sondaı-aq onda janýarlardyń sırek kezdesetin jáne quryp ketý qaýpi tóngen túrlerimen zańsyz aınalysqany úshin qylmystyq jaýaptylyq kózdelgeni jáne quqyqbuzýshy múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan bes jylǵa deıingi merzimge aıyrylady. Sonymen qatar zań buzǵan adamǵa 3000 AEK deıingi mólsherde aıyppul salynyp, ne segiz júz saǵatqa deıingi merzimge qoǵamdyq jumystarǵa jegiledi, ne úsh jylǵa deıingi merzimge bas bostandyǵy shektelip, ne sol merzimge bas bostandyǵynan aıyrylýy múmkin.

«Sonymen qatar, QR QK-niń 316-babymen janýardyń mertigýine ákep soqqan qatygezdigi úshin jaýapkershilik kózdelgen»,-dep málim etti mınıstrliktiń baspasóz qyzmeti.