Kaspıı teńiziniń quqyqtyq mártebesin aıqyndaý jumystary belsendi júrgizilýde - Ázerbaıjan SІM

ASTANA. QazAqparat - Kaspıı teńiziniń quqyqtyq mártebesin aıqyndaý jumystary belsendi júrgizilýde. Baký sammıtinen keıin, 2014 jyldyń qyrkúıeginde Astrahanda sammıt ótkizý josparlanǵan, oǵan daıyndyq jumystary da jasaldy. Bul týraly búgin Ázerbaıjan Syrtqy ister mınıstriniń orynbasary Halaf Halafov jýrnalısterge bergen suhbatynda málimdedi, dep jazady www.trend.az.

«2014 jyldyń mamyr aıynda ótken Syrtqy ister mınıstrleriniń sammıtinde birqatar suraqtarda alǵa ilgerileýshilik boldy. Alaıda, sheshimdi nátıjege qol jetkizý úshin Kaspıı teńiziniń quqyqtyq mártebesi týraly qujatty ázirleý jónindegi Syrtqy ister mınıstrleriniń orynbasarlary deńgeıindegi arnaıy jumys toby jumysty jalǵastyrady. Bul másele boıynsha tamyz aıynyń sońynda Máskeýde kezdesý ótedi degen jospar bar», - dedi Halafov.

Astrahan sammıtine deıingi kezdesýde negizgi másele - Kaspıı aımaǵy elderi basshylarynyń deńgeıinde sheshim qabyldanatyn túpkilikti qujatty maquldap alý. Bul qujatta naqty máseleler sheshiledi dep josparlanǵan», - dedi Ázerbaıjan Syrtqy ister mınıstriniń orynbasary.