Kaspıı teńiziniń qazaqstandyq bóliginen zańsyz bekire balyǵyn aýlaǵan Ázirbaıjannyń kásipshilik kemesi ustaldy
ASTANA. 8 tamyz. QazAqparat -7 tamyz kúni QR UQK Jaǵalaý kúzeti «Jeńis» óńirlik basqarmasynyń shekara kemesiniń ekıpajy Kaspıı teńiziniń qazaqstandyq bóliginen Ázirbaıjannyń «Shırak» kásipshilik kólik quralyn ustady.
Kemeniń trıýmin tekserý barysynda 400 dana bekire balyǵy jáne 39 jáshikke salynǵan shekteý qoıylǵan balyq aýlaý quraldary tabyldy. Bul týraly QR UQK Shekara qyzmeti taratqan aqparatta aıtylǵan.
8 adamnan turatyn ekıpajy bar kásipshilik keme Qazaqstan Respýblıkasynyń shekara keńistigine sheteldik kemelerdiń kelý erejesin buzýy jáne zańsyz balyq aýlaýyna baılanysty protsessýaldy sheshim qabyldaný úshin Baýtıno aılaǵyna jetkizildi.
