Kaspıı teńiziniń Ázerbaıjan bóliginde jarylys boldy

BAKÝ. Trend - QazAqparat – Kaspıı teńiziniń Ázerbaıjan bóliginde jarylys boldy, dep habarlaıdy QazAqparat Trend agenttigine silteme jasap.

«Kaspıı teńizindegi jarylysqa baılanysty Ázerbaıjannyń ekologııa jáne tabıǵı resýrstar mırıstrligi men Seısmologııalyq qyzmettiń respýblıkalyq ortalyǵy tarapynan tekserý júrgizilýde», - delingen agenttik habarlamasynda.

Resmı organnyń habarlaýynsha, mamandardyń aldyn-ala nusqasy boıynsha, jarylysqa janartaýdyń atqylaýy sebep bolýy múmkin.