Kaspıı teńiziniń alǵashqy gazy Eýroodaqqa 2019 jyly jetkiziledi - Eýroodaqtyń Qazaqstandaǵy ókildiginiń basshysy

ALMATY. 2 qazan. QazAqparat - Eýroodaqtyń ımporttyq munaı jáne munaı ónimderiniń 5 paıyzǵa jýyǵy Qazaqstannyń úlesine tıedi. Bul búgin Almatyda ótip jatqan «Munaı jáne gaz - KIOGE 2013» halyqaralyq konferentsııasynda aıtyldy.

«Eýroodaq Qazaqstandaǵy eń iri ınvestorlardyń biri. Jalpy sheteldik tikeleı ınvestıtsııanyń teń jartysy Eýroodaqtyń úlesine tıedi. Eýroodaq sondaı-aq, Qazaqstannyń eń negizgi saýda seriktesteriniń biri. Eldiń syrtqy saýdasyndaǵy onyń úlesi 40 paıyzdy quraıdy. Ótken jyly ekijaqty saýda kólemi 31 mlrd. eýro boldy. Onyń úshten biri Qazaqstan eksporty», - deıdi Eýroodaqtyń Qazaqstandaǵy ókildiginiń basshysy Aýrelıo Býshez. Onyń aıtýynsha, Kaspıı teńiziniń gazy Eýroodaqqa 2019 jyldyń basynda jetkizile bastaıdy.